गुरुकुलाबद्दल

भारतीय संस्कृतीचे प्राण म्हणजे आपले वैदिक वाड्मय ! आपल्या प्राचिन ऋषिंनी अंतरज्ञानाने हे ‍‌‌‍मंत्र ग्रहण केले आणि पुढे गुरु-शिष्य परंपरेने त्यात प्राण ओतले.हेच भारतीय संस्कृतीचे वैदिक प्राण-परंपरा संवर्धनाचे कार्य श्रीक्षेत्र नाशिक मध्ये अनेक सहस्त्रांपासून अक्षुण्णपणे टिकून आहे.

नाशिकच्या वैदिक क्षेत्रात वैदिक सम्राट पं.श्रीकृष्णशास्त्री गोडशे गुरुजी,श्रौत भास्कर पं.नारायणशास्त्री भानोसे गुरुजी,शतपथ भास्कर पं.लक्ष्मीकांतशास्त्री दीक्षित तसेच पं.बापूरावशास्त्री अंबेकर(जोशी) या चौघांनी या साठी मोठे योगदान दिले.त्यांच्याच प्रेरणेने आणि आशिर्वादाचे फळ म्हणजे वैदिक ज्ञान विज्ञान संस्कृत महाविद्यालय(गुरुकुल) होय. संस्थेची स्थापना गुरुवार दिनांक.१८ मार्च १९९९ गुढीपाडवा या शुभदिवशी करण्यात आली.

गुरुकुलाची नियोजीत वास्तू

सध्यस्थतीतील केवडीवन,पंचवटी येथील महाविद्यालयाची वास्तु नाशिक येथील प्रसिध्द बांधकाम व्यावसायिक व निष्ठावान वेदप्रेमी श्री.शशी जाधव यांनी इ.स.१९९६ साली महारुद्र यागाच्या वेळी पं.गोडशे गुरुजींना भूमिदान केली. तेथे स्वतः वास्तव्य न करता वेद्विद्येची पुढची पिढी तयार करण्यासाठी गुरुजींनी गुरुकुलास दिली.पुढे दानशूर दात्यांकडून ५ – ६ खोल्या आणि सभागृहाची उभारणी केली.

विद्यार्थ्यांची वाढती संख्या व गुरुकुल विकासाची व विस्ताराची आवश्यकता आहे. त्यासाठी १० वर्ग खोल्या,१५० विद्यार्थ्यांचे वसतीगृह, सुसज्ज सभागृह, यज्ञशाळा, गोशाळा, ग्रंथालय ,भोजनकक्ष, अध्यापक निवास, प्रशासकीय कार्यालय इ. ची गरज आहे.

भारतभरातील तसेच जगभरातील वेदप्रेमी,ज्ञाननिष्ठ,धर्मनिष्ठ सज्जन दानशूर दाते आपल्या वैदिक परंपरेचे जतन-संवर्धन आणि विस्तार करण्यासाठी तन मन धनाने मदत करतात.हि संस्था उभारण्यासाठी त्यांचा वाट मोलाचा आहे.